هيموُن ڪالاڻيِ سِنڌُ جو اُهو اِنقِلابيِ نَوجَوانُ هو، جيڪو اَرڙَهَن سالنَ جيِ نَنڍيِ عمرِ ۾ ڦاسيِءَ جي تَختي تي چَڙهيِ شَهيدُ ٿيِ وِيو.

هيموُن ڪالاڻيِءَ جو جَنَمُ 23 مارِچِ 1924 تي سِنڌِ جي سَکَرَ شَهِرَ ۾ ٿِيو هو. سَندَسِ پِتا جو نالو پيسومَلُ هو. هيموُن نَنڍي هوندي کان راندِين ۽ ڪَسِرَتَ جو شوقيِنُ هو. هو سُهِڻو، قَداوَرُ ۽ بَهادُرُ نَوجَوان هو.

سِنڌُ ۾ اَنگريزن جيِ حُڪوُمَتَ هُئي. 1942 ۾ هيموُن ۽ اُنَ جي ٽِنِ ساٿين باروُد ۽ هَٿِيارَنِ سان ڀَريلَ اَنگريزَ مِلٽريءَ جيِ هِڪَ ٽِرين کي، ريلَ جي پَٽنِ جون فِشِ پِليٽون ڪَڍي ڪيرائڻَ جيِ ڪوشِشِ ڪَئيِ پَرَ بَدِقِسمتيءَ سان پوليس اَوَلِ اُتي پَهُچيِ ويئيِ. هيموُنءَ جا ساٿيِ ڀَڄيِ وِيا مَگرِ هيموُن پَڪِڙِجيِ پِيو. هيموُنءَ کي پَنهِنجَن ساٿينُ جا نالا ٻُڌائڻ لاءِ جيلَ ۾ خوُب سَختِيون ۽ تَڪِليِفون ڏِنِيون وَيون مَگَرِ هِنَ بَهادُرُ نَوجَوانَ ڪَنهِن به ساٿيِءَ جو نالو ٻُڌائڻَ کان اِنڪارُ ڪَيو. آخِر مارشَل لا ڪورَٽ دُواران کيس ڦاسيءَ جيِ سَزا ڏِنيِ ويئيِ.

16 جَنوَري 1942 تي سِنڌُ جي سَکرَ ضلع ۾ هيموُنءَ کي ڦاسي ڏِني ويِئيِ. ’اِنقلاب زندَه باد‘ جا نعرا هَڻندي هيءُ نَوجَوان مُرڪَندي ڦاسيءَ جي تَخِتي تي چَڙهيِ شَهيدُ ٿيِ وِيو. سَڄيِ سِنڌيِ جاتيِءَ کي هيموُن ڪالاڻيءَ تي نازُ آهي.